Ermənistan prezidenti Serj Sarkisyan Azərbaycan əleyhinə növbəti sərsəm bəyanat ilə çıxış edib. O. Azərbaycanın işağl olunmuş torpaqlarla bağlı qətnaməni BMT Baş Assambleyasının 65-ci sessiyasının müzakirəsinə çıxarmasından gileylənib. Sarkisyan bildirib ki, Azərbaycan bu qətnaməni növbəti dəfə müzakirəyə çıxarmaqla kobud səhvə yol verir.

Qarabağ həqiqətlərindən və ermənilərin uydurmalarından bəhs edən yeni ekranlaşdırılmış “Dağlıq Qarabağ: Həqiqətlər, yalanlar...” adlı film sabah təqdim ediləcək.

Ermənistan Xarici İşlər Nazirliyi (XİN) işğal altında olan Dağlıq Qarabağın Azərbaycan ərazisi oluğunu təsdiq edib. Belə ki, İrəvanın rəsmi mövqeyini ifadə edən XİN-in rəsmi saytında yerləşdirilən xəritələrdən birində işğal altında olan Azərbaycan torpaqları - Dağlıq Qarabağ və ona bitişik 7 rayon Azərbaycan sərhədləri çərçivəsində göstərilib. Xarici İşlər Nazirliyinin bu addımı ölkə mətbuatını ayağa qaldırıb.

ATƏT-in fəaliyyətdə olan sədrinin şəxsi nümayəndəsinin mandatına uyğun olaraq avqustun 31-də Azərbaycanın Xocavənd rayonunun Aşağı Veysəlli kəndinin şimal istiqamətindəki təmas xəttində monitorinq keçirilməsi planlaşdırılır.